Sumip ang Gold sa Record Levels habang ang Tariff Threats ni Trump ay Nagpapalakas ng Safe Haven Demand
Umakyat sa record levels ang gold habang pumapasok ang global foreign exchange markets sa bagong trading week na puno ng political risk. Tumitindi ang tensyon sa pagitan ng United States at Europe matapos ang panibagong tariff threats ni President Trump na may kaugnayan sa Greenland. Sa pagtatapos ng nakaraang linggo, naging defensive ang galaw ng mga currency dahil mas pinili ng mga investor ang safe havens, habang muling ginagamit ang trade policy bilang political weapon at hindi lang bilang usaping pang ekonomiya. Ang US dollar ay nakakuha ng pansamantalang suporta dahil sa risk aversion, habang ang euro at ilang European currencies ay humina dahil sa pangamba na muling masira ang EU-US trade relations.
Nagsimula ang volatility matapos ipahayag ni Trump na magpapataw ang US ng pataas na tariffs sa mga produkto mula sa Denmark, Norway, Sweden, France, Germany, United Kingdom, Netherlands at Finland kung patuloy nilang tututulan ang plano ng US na bilhin ang Greenland. Nakatakdang magsimula ang tariffs sa 10% sa Feb. 1 at aakyat sa 25% sa June 1 kung walang mararating na kasunduan. Mabilis ang naging reaksyon ng mga European leaders, na tinawag ang hakbang na hindi katanggap tanggap at mali, habang muling pinagtibay ang buong suporta nila sa Denmark at Greenland. Nagpahiwatig ang EU na maaaring ihinto ang approval at pagpapatupad ng EU-US trade agreement na napagkasunduan noong August. Ayon sa mga senior lawmakers, hindi posible na ituloy ang kasunduan sa kasalukuyang sitwasyon, na nagpapataas ng panganib ng mas malawak na trade confrontation.
Sa pananaw ng forex markets, mahalaga ang isyung ito dahil direktang tinatamaan nito ang isa sa pinakamalaking trade relationships sa mundo. Anumang pagkaantala o tuluyang pagbagsak ng EU-US trade agreement ay maaaring magbigay ng dagdag na pressure sa euro, lalo na kung gumamit ang EU ng mga hakbang tulad ng Anti Coercion Instrument. Nagbabala ang mga analyst na ang karagdagang tariffs ay magpapataas ng gastos ng mga US consumers at magdadagdag ng uncertainty para sa mga European exporters. Ayon sa chief economist ng Berenberg Bank, ito ay isang malaking geopolitical headache at isang moderately significant economic problem, at tinatantya na ang karagdagang 10% levy ay maaaring magpataas ng US consumer prices ng hanggang 0.15%. Kasabay nito, patuloy na binabantayan ng merkado ang gold, na umabot na sa all time highs habang naghahanap ang mga investor ng proteksyon laban sa lumalalang political at trade risks.
Nagkaroon din ng security angle ang isyu, na lalo pang nagdagdag ng kaba sa merkado. Ang Greenland ay bahagi ng Kingdom of Denmark, at miyembro ng NATO ang Denmark. Ilang European leaders at ang Canada ang nagbigay diin na dapat igalang ang sovereignty at territorial integrity. Hayagang sinabi ni Canadian Prime Minister Carney na buong buo ang suporta ng Canada sa mga obligasyon ng NATO at sa Denmark pagdating sa usapin ng Greenland. Para sa mga investor, nagbubukas ito ng mas malalalim na tanong tungkol sa katatagan ng mga alyansa, isang bagay na sensitibo para sa currency markets lalo na sa panahon ng stress.
Para sa araw na ito, mas tutok ang mga trader sa mga headline kaysa sa economic data. Nagpatawag ang EU ng emergency meeting, at anumang pahiwatig tungkol sa pag freeze ng trade deal o paghahanda ng retaliatory measures ay maaaring magdulot ng biglaang galaw sa euro. Mahigpit ding babantayan ang mga pahayag mula sa US, lalo na habang hinihintay ang desisyon ng Supreme Court tungkol sa paggamit ni Trump ng emergency powers sa ilalim ng International Emergency Economic Powers Act para magpatupad ng tariffs. Ayon kay Treasury Secretary Bessent, napakaliit ng tsansa na ibasura ng korte ang polisiya, na nagdadagdag pa ng uncertainty sa merkado.
Sa ngayon, ang pangunahing alalahanin ng forex traders ay ang posibilidad ng mabilis na pag eskalate ng tensyon na maaaring makasira sa kumpiyansa at magtulak sa mas maraming investor patungo sa safe haven currencies. Maaaring manatiling mataas ang volatility, lalo na sa euro dollar at sa mga currency na sensitibo sa global trade. Habang patuloy pa rin ang usapang diplomatiko, malinaw na tumitigas ang tono, at muling pinapaalala sa merkado na ang mga desisyong pampulitika ay kayang gumalaw ng exchange rates kasing lakas ng anumang economic data.
Analysis by Coach Angel
——
Disclaimer: Ang pag-iinvest ay may kaakibat na panganib. Dapat pag-aralan ng mga investors ang impormasyon bago gumawa ng anumang desisyon sa pamumuhunan.
