Merkado Nakatutok sa Fed Minutes Habang Naghihintay ng Jobs Report Ngayong Gabi

Kaninang umaga, inilabas ng Federal Reserve ang minutes mula sa kanilang October meeting, na nagbigay ng mas malinaw na ideya kung paano nagdesisyon ang Committee nang ibaba nila ang target range para sa federal funds rate ng quarter point papunta sa 3.75–4%. Ipinakita sa minutes na ang ekonomiya ay patuloy na lumalago sa katamtamang bilis, habang ang job gains ay bumabagal at ang unemployment rate ay bahagyang tumaas ngunit nananatiling mababa. Ang inflation ay nanatiling medyo mataas, pero ang mga pangmatagalang expectations ay halos consistent, na nagpapakita ng kumpiyansa na babalik ang ekonomiya sa 2% na target ng Fed sa kalaunan.

Napansin ng mga participant na mas mataas ang downside risks sa employment nitong mga nakaraang buwan, habang ang mga risk sa inflation ay medyo nanatiling steady o bumaba. Marami sa kanila ang sumuporta sa maliit na easing, dahil sa mga panganib sa trabaho, habang ang iba ay mas gusto munang panatilihin ang rates hanggang sa may malinaw na ebidensya na papunta ang inflation sa target. Binigyang-diin din sa minutes na ang monetary policy ay walang naka-preset na plano at patuloy na ia-adjust base sa bagong data, kondisyon sa financial markets, at pagbabago sa ekonomiya.

Sa usapin ng balance sheet, kinumpirma ng Fed na titigil na ang runoff ng kanilang securities holdings sa December 1. Ang mga principal payments ay ire-reinvest sa Treasury bills, para mas flexible at ma-maintain ang stability sa money markets. Binanggit ng Committee na mahalaga ang pagkakaroon ng sapat na reserves para kontrolin ang federal funds rate at mapanatiling maayos ang Treasury at repo markets.

Ngayon, nakatutok naman ang merkado sa delayed September jobs report na ilalabas ngayong gabi, na naantala dahil sa government shutdown. Inaasahan ng mga ekonomista na may modest payroll gains at bahagyang pagtaas sa unemployment rate, na nagpapakita ng labor market na bahagyang humina pero nananatiling resilient. Ipinapakita rin ng mga private-sector data na mas mabagal ang hiring, may ilang reports na nagsasabing may job losses, at pinakamababa ang corporate hiring plans sa loob ng maraming taon. Ito ang magiging unang malinaw na snapshot ng labor market sa loob ng ilang buwan, kaya mahalaga ito para sa investors at policymakers.

Kung ang resulta ay ayon sa inaasahan, makikita nito ang gradual na paghina ng labor market nang hindi nagpapahiwatig ng malalim na slowdown, habang ang mas mahina sa inaasahan na resulta ay maaaring magpalakas ng tingin sa Fed na maging maingat at magpataas ng spekulasyon na posibleng kailanganin ang future rate cuts. Kung mas malakas naman ang resulta, maaari nitong itaas ang dollar at Treasury yields, habang nire-reassess ng merkado ang posibilidad ng karagdagang easing.

Dahil na-delay rin ang October at November employment reports, magiging isa lang ito sa iilang kasalukuyang indicator bago ang December Fed meeting. Mabibigay ito ng mahalagang ideya kung gaano katatag ang labor market, kung paano ang inflation pressures, at kung kailan maaaring mag-adjust ang monetary policy, habang patuloy na tinatahak ng ekonomiya ang panahon ng uncertainty at moderate growth.

 

Analysis by Coach Angel

——

Disclaimer: Investing is risky. Investors should study the information before making investment decisions.