Economic Calendar
Kahit naka-shutdown ang gobyerno ng U.S. buong buwan ng Oktubre, parehong tumaas ang halaga ng dolyar at ang stock market. Ito pa lang ang ikalawang buwan ngayong taon na nag-post ng gains ang DXY, na nagpapakita kung gaano pa rin katatag ang ekonomiya ng Amerika sa kabila ng mga hamong politikal at piskal. Patuloy na nakakagulat ang growth sa positibong direksyon.
Ayon sa GDP tracker ng Atlanta Federal Reserve, inaasahang lalago ang ekonomiya ng humigit-kumulang 4% sa third quarter, mas mataas kaysa sa market consensus na 2.7% lang.
Malaking bahagi ng momentum na ito ay galing sa spending na konektado sa artificial intelligence (AI), na tinatayang bumubuo ng higit sa kalahati ng kabuuang growth ng U.S. ngayong taon.
Noong huling bahagi ng Oktubre, nagbaba ng interest rate ang Federal Reserve, pero mabilis din nilang itinama ang mga expectations na baka may isa pang rate cut sa Disyembre. Ayon kay Fed Chair Jerome Powell, hindi pa kumbinsido ang mga policymaker na kailangan pa ng karagdagang easing, lalo na’t tumataas ang headline inflation sa loob ng limang sunod na buwan.
Matapos ang mga pahayag ni Powell, bumaba ang market expectations para sa December cut — mula sa mahigit 90% odds papunta sa 70%. Pero mataas pa rin ito, at maaaring magbago depende sa mga susunod na pahayag ng ibang Fed officials matapos ang kanilang pre-meeting blackout period.
Sa ngayon, nagiging maingat ang Fed. Ayon kay Powell, hindi niya inaasahang biglang hihina ang labor market, na nagpapahiwatig na mataas ang bar para sa isa pang rate cut.Nanatiling mataas ang inflation, at dahil limitado ang economic data bunsod ng government shutdown, maaaring maghintay muna ang central bank bago kumilos muli. Gayunpaman, habang tumatagal ang shutdown, mas lumalaki rin ang pressure sa growth. Tinatayang 1.4 milyong federal employees ang hindi nakatanggap ng sahod noong Oktubre, kalahati sa kanila ay furloughed. Ayon sa mga ekonomista, bawat linggo ng shutdown ay nakakabawas ng mga 0.1% sa GDP.
May isa pang posibleng twist: malapit nang dinggin ng U.S. Supreme Court ang kaso na hinahamon ang mga tariffs na ipinataw sa ilalim ng International Emergency Economic Powers Act (IEEPA). Mayroon nang secondary market para sa mga posibleng tariff refunds kung sakaling magdesisyon ang Korte na lumagpas sa kapangyarihan ng presidente ang mga nasabing hakbang.
Ang uncertainty na ito ay maaaring magdulot ng volatility sa mga sektor na sensitibo sa trade.
Sa kabilang panig ng Atlantiko, nananatiling mahina ang euro. Bagama’t bumaba ang yield advantage ng mga U.S. assets kumpara sa mga European assets — mula sa mahigit 200bp noong Mayo hanggang 160bp ngayon — malaki pa rin ang agwat. Sa kasalukuyan, may 225bp gap sa policy rates, at inaasahang bababa ito sa humigit-kumulang 100bp sa loob ng isang taon, pero hindi pa rin tumataya ang mga investor na aangat nang malaki ang euro.
Maraming structural at political challenges ang kinakaharap ng Europe.Ang mga bagong export controls ng China sa critical minerals at EV battery technology ay banta sa industriya ng Europe, lalo na’t humaharap na sila sa U.S. tariffs, murang imports mula China, at energy shocks mula sa hybrid warfare ng Russia. Samantala, ang pag-takeover ng Netherlands sa Nexperia — isang chip company na dating pag-aari ng Chinese firm — ay nakasira ng relasyon sa Beijing sa panahong nagpapaluwag naman ng sanctions ang U.S. sa ilang Chinese subsidiaries.
Patuloy ding nagsa-stagnate ang ekonomiya ng Germany, na pinakamalaki sa rehiyon, habang ang France ay may political tensions at humihinang fiscal position. Naniniwala ang market na natapos na ang easing cycle ng European Central Bank, at base sa kasalukuyang pricing, mababa sa 50% ang tsansa ng isa pang rate cut sa susunod na taon. Sa kabuuan, limitado ang upside ng euro — at kung walang mas malakas na growth o kumpiyansa ng investors, mananatiling mahina o pababa ang takbo nito.
Ang British pound ay nasa alanganing posisyon dahil sa lumalakas na spekulasyon ng posibleng rate cut mula sa Bank of England (BoE). Ang market-implied odds ay tumaas mula 25% noong katapusan ng Setyembre hanggang halos 70% sa katapusan ng Oktubre. May ilang traders pa nga na nakikita ang maliit na posibilidad ng rate hike sa Nobyembre 6 meeting — bagama’t tila malabong mangyari base sa kasalukuyang kondisyon.
Mas nakatuon ngayon ang atensyon sa Fall Budget na ilalabas sa Nobyembre 26, na inaasahang mas malaking epekto sa pound. Si Chancellor Rachel Reeves ay nasa ilalim ng pressure na pagbalansin ang mga pangako ng Labour Party sa gitna ng fiscal constraints ng UK. Itinuturing na masyadong maliit ang £10 bilyong buffer ng gobyerno, at para palakihin ito, maaaring kailanganin ang pagtaas ng buwis o pagbabawas ng gastusin. Hindi ito magugustuhan ng parehong mga negosyo at sambahayan. Kabilang sa mga posibleng hakbang ay ang pagtaas ng tax rates para sa high-income earners, pag-adjust ng income brackets para makalikom ng mas maraming buwis, at maging ang pagpataw ng buwis sa private school fees.
Patuloy din ang mga political challenges. Ang pag-appoint kay Deputy Labour Leader Powell ay nagpapakita ng mas lumalakas na impluwensya ng kaliwang pakpak ng partido, habang ang by-election loss sa Wales — unang beses sa mahigit isang siglo — ay nagpapakita ng pagbabago sa damdamin ng mga botante. Samantala, patuloy ding umaagaw ng pansin ang Reform Party ni Nigel Farage, na nagdadagdag ng political uncertainty.
Sa kabuuan, mabigat ang policy environment para sa pound, at mas mataas ang downside risks.
Ang Canadian dollar (loonie) ay nahihirapan din, dahil sa mahina ang growth at tumaas na tensyon sa pagitan ng Canada at U.S. Nagsimulang magbaba ng rates ang Bank of Canada noong nakaraang taon habang bumabagal ang lokal na ekonomiya, pero patuloy pa ring naaapektuhan ng U.S. disruptions. Kamakailan, nagkaroon ng kontrobersiya nang maglabas ang Ontario ng advertisement sa baseball World Series na ginamit si dating Pangulong Ronald. Reagan na bumabatikos sa tariffs — bagay na ikinagalit ni Donald Trump, na agad namang sinuspinde ang trade talks at nag-anunsyo ng bagong 10% tariff (na hindi pa naipapatupad).
Itinutulak ng gobyerno ni Prime Minister Carney na palawakin ang trade relations ng Canada lampas sa U.S., na may layuning madoble ang exports sa non-U.S. markets sa loob ng isang dekada. Pero posibleng magdulot ito ng bagong tensyon kung mas lalapit ang Canada sa China sa kalakalan.
Sa ngayon, stable pa ang mga pangunahing export commodities tulad ng potash, pero marupok ang overall economic outlook. Ang pagkakaiba ng direksyon ng maingat na Federal Reserve at mas accommodating na Bank of Canada ay pabor sa mas malakas na dolyar kumpara sa loonie.
Article by Coach Angel, RoboAcademy
——
Disclaimer: Investing is risky. Investors should study the information before making investment decisions.
