Nakatutok ang Merkado sa RBA Habang Inaasahang Mananatiling Steady ang Rate at Mas Firm ang Mensahe
Nakatutok ngayon ang merkado sa Reserve Bank of Australia habang naghahanda itong ilabas ang huling interest rate decision para sa taon. Halos sigurado ang lahat na mananatiling naka hold ang cash rate sa 3.60%. Wala ring bagong economic projections ngayong meeting kaya ang tunay na bigat ay nasa kung paano ihahanda ng RBA ang forward guidance at kung paano ipapaliwanag ni Governor Michele Bullock ang pinakabagong galaw ng ekonomiya.
Nag set na si Governor Bullock ng mas maingat na tono matapos niyang babalaan kamakailan tungkol sa tumataas na inflation at mga posibleng policy moves na maaaring sundan nito. Ipinakita ng mga pahayag niya na handa siyang maging mas agresibo kung kinakailangan. Makikita rin ang mas firm na pananaw sa galaw ng merkado kung saan nawala na ang expectations para sa rate cuts at napalitan ng paniniwalang posibleng mag rate hike na sa kalagitnaan ng 2026. Nangyari ito matapos lumabas na mas mainit ang inflation noong September quarter, na nagdagdag ng pressure dahil mukhang hindi pa lumalamig ang pagtaas ng presyo.
Ang pahayag ng RBA na tumataas muli ang inflation ang panigurong babalikan ng mga trader ngayon. Ipinapakita nito na mas nababahala na ang central bank lalo na matapos lumabas ng October CPI report na tumaas ang headline at trimmed mean inflation sa itaas ng target band. Tumaas din ang household spending ng 1.3%, ang pinakamalakas mula January 2024, at karamihan nito ay galing sa non essential spending. Ibig sabihin, patuloy pa ring gumagastos ang mga tao, kaya mas mahirap pababain ang inflation.
Dagdag pressure din ang labour market. Bumaba ang unemployment rate sa 4.3%, may malakas na pagdagdag ng trabaho, at bumaba rin ang underemployment pati youth unemployment. Ipinapakita nitong muling humihigpit ang job market. Kapag ganito, mas mataas ang tiyansa ng pagbilis ng wage growth lalo na kung mahina ang productivity at mataas pa rin ang labour costs.
Sa ganitong sitwasyon, dalawang opsyon lang talaga ang nasa mesa ng RBA; hold o hike. Hindi na pinag uusapan ang rate cut. Dahil dito, tutok ang mga trader sa mismong wording ng policy statement, lalo na ang huling bahagi nito kung saan madalas binibigay ang direksyon ng susunod na galaw. Mas malamang na firm ang tono kaysa maging malambot. At dapat ding tandaan na mas hawkish si Governor Bullock kapag nagsasalita siya kumpara sa mas balanse at pinag usapang tono ng Board drafted statement. Dahil dito, posibleng maging magalaw ang merkado sa pagitan ng paglabas ng pahayag at simula ng press conference niya.
May ilang analyst na nag aalala na baka masyadong mataas ang inaasahan ng merkado kumpara sa kaya o gustong ipakita ng RBA. Kapag hindi nila na match ang hawkish expectations, puwedeng humina ang Australian Dollar sa maikling panahon kahit manatili sa hold ang rates. Ito ang kilalang buy the rumour, sell the fact scenario kung saan mataas ang anticipation pero hindi ganoon katindi ang aktwal na mensahe.
Bahagya nang humina ang aussie laban sa dollar bago ang anunsiyo. Inaasahang naka hold ang rates sa malapit na panahon, ngunit fully priced na sa merkado ang posibilidad ng rate hike pagsapit ng August 2026, at may malaking tsansang mangyari ang unang hike sa June.
Habang ang RBA ang pangunahing balita sa Asia Pacific session, nakatingin din ang merkado sa United States, lalo na sa October JOLTS Job Openings report. Sinusukat nito kung gaano kalakas ang job market at ang median forecast ay nasa 7.15M openings, bahagyang mas mababa kaysa dati. Kahit mas mahina ang lumabas, maliit ang posibilidad na baguhin nito ang Federal Reserve decision bukas.
Malawak na ang expectation na mag cut ng rates ang Fed ng 25bp, at bihira itong kumontra sa pricing ng merkado. Kapag mas mababa nang husto ang JOLTS data, puwedeng bahagyang humina ang dollar; kapag mas mataas naman nang husto, puwede itong tumaas sandali. Pero inaasahan na panandalian lang ang galaw na ito dahil malinaw na sa lahat ang magiging direksyon ng Fed. Pagkatapos lumabas ang data, mapupunta ang atensyon sa bagong projections at sa mga pahayag ni Fed Chair Jerome Powell.
Analysis by Coach Angel
——
Disclaimer: Ang pag-iinvest ay may kaakibat na panganib. Dapat pag-aralan ng mga investors ang impormasyon bago gumawa ng anumang desisyon sa pamumuhunan.
